Hadith 2998

عمارہ بن خزیمہ بن ثابت اپنے والد حضرت خزیمہ رضی اللہ عنہ سے روایت کرتے ہیں اور وہ نبی کریم صلی اللہ علیہ وآلہ وسلم سے روایت کرتے ہیں کہ رسول اللہ صلی اللہ علیہ وآلہ وسلم جب تلبیہ کہنے سے فارغ ہوتے تو اللہ تعالیٰ سے (اس حج اور عمرہ کی قبولیت کا) سوال کرتے اور اللہ تعالیٰ کی خوشنودی اور جنت طلب فرماتے اور اس کی رحمت کے ذریعہ دوزخ سے نجات کا سوال بھی کرتے۔ اس کی روایت امام شافعی نے کی ہے۔ اور دارقطنی اور بیہقی کی روایت میں اس طرح ہے کہ نبی کریم صلی اللہ علیہ وآلہ وسلم تلبیہ پڑھنے کے بعد اپنی ذات مبارک پر درود پڑھتے۔ اور ابوداؤد اور دارقطنی نے قاسم بن محمد رحمہ اللہ سے روایت کی ہے کہ قاسم بن محمد نے فرمایا ہے کہ محرم کے لئے مستحب یہ ہے کہ وہ تلبیہ پڑھنے کے بعد نبی کریم صلی اللہ علیہ وآلہ وسلم پر درود بھیجے۔