Hadith 3197a

ف: صاحب مرقات نے لکھا ہے کہ عورت کی نحوست یعنی اس کا مبارک نہ ہونا یہ ہے کہ عورت بانجھ ہو یا اس کا مہر حد سے زیادہ ہو اور وہ بد اخلاق ہو، اور گھر کی نامبارکی یہ ہے کہ گھر تنگ ہو اور پڑوسی برے ہوں، اور گھوڑے کی نامبارکی یہ ہے کہ وہ سرکش ہو، اور اس پر جہاد نہ ہوتا ہو، رسول اللہ صلی اللہ علیہ وآلہ وسلم کے ارشاد مبارک سے مقصود یہ ہے کہ اگر گھر میں رہائش ناگوار ہو اور بیوی کے ساتھ معاشرہ دشوار ہو، اور گھوڑا پسند نہ ہو تو ان چیزوں کو چھوڑ دینا چاہئے کہ ایسے گھر سے دوسرے گھر میں منتقل ہو جائے اور بیوی کو طلاق دیدے اور گھوڑے کو بیچ دے۔ علامہ خطابی نے فرمایا ہے کہ مذکورہ بالا تین چیزوں میں جو نحوست یا نامبارکی کا ذکر ہے ان میں نحوست بذات خود نہیں ہوتی بلکہ اللہ تعالیٰ کی مشیت اور تقدیر الٰہی سے ہوتی ہے اور ان تین چیزوں کا ذکر اس لئے کیا گیا کہ یہ تینوں چیزیں ضروریات زندگی میں داخل ہیں اور انسان ان سے متعلق رہتا ہے اسی وجہ سے بطور خاص ان کی برکت اور بے برکتی کا ذکر کردیا گیا ہے12