Hadith 3698

سیدنا سعید بن مسیّب رحمۃ اللہ علیہ سے روایت ہے کہ ایک مسلمان اور ایک یہودی سیدنا عمر رضی اللہ تعالیٰ عنہ کے پاس مقدمہ لے کر گئے پس آپ نے حق یہودی کے لئے دیکھا تو عمر رضی اللہ عنہ نے اس کے لئے اس کا فیصلہ فرما دیا تو آپ سے یہودی نے عرض کیا اللہ کی قسم بلا شبہ آپ نے حق کا فیصلہ فرمایا ہے تو عمر رضی اللہ عنہ نے اس کو درہ لگایا اور فرمایا، تجھ کو کیا معلوم ہے؟ تو یہودی نے کہا اللہ کی قسم بے شک ہم تورات میں پاتے ہیں کہ جو کوئی قاضی حق کے ساتھ فیصلہ کرتا ہے اس کے دائیں ایک فرشتہ اور بائیں ایک فرشتہ ہوتا ہے جو اس کو ٹھیک راستہ دکھاتے ہیں۔ اور حق کی موافقت رکھتے ہیں جب تک کہ وہ حق کے ساتھ رہے، جب وہ حق کو چھوڑ دیتا ہے تو وہ دو فرشتے (آسمان پر) چڑھ جاتے ہیں اور اس کو چھوڑ دیتے ہیں۔ (مالک)۔