Hadith 3945

سلمہ ابن اکوع رضی اللہ تعالیٰ عنہ سے روایت ہے رسول اللہ صلی اللہ علیہ وسلم نے اپنی سواری کے اونٹ رسول اللہ صلی اللہ علیہ وسلم کے غلام رباح کے ساتھ روانہ فرمایا اور میں ان کے ساتھ تھا اور جب ہم صبح کئے تو اچانک عبدالرحمن فزاری نے رسول اللہ صلی اللہ علیہ وسلم کے اونٹوں پر حملہ کر دیا تو میں ایک ٹیلہ پر کھڑا ہو گیا اور مدینہ منورہ کی طرف رخ کیا اور تین مرتبہ آواز دیا ”حملہ ہو گیا“، پھر اس میں قوم کے پیچھے نکل پڑا ان پر تیر برساتا جاتا اور رجز پڑھتے ہوئے کہتا جاتا تھا۔ میں ابن اکوع ہوں اور آج کا دن (ماں کا) دودھ پینے والوں کا ہے۔ پس میں مسلسل ان پر تیر چلاتا رہا اور ان کا راستہ کاٹا یہاں تک کہ رسول اللہ صلّی اللہ علیہ وسلّم کی سواری کے اونٹوں کو، جن کو اللہ نے پیدا کیا، میں نے ان کو اپنی پیٹھ کے پیچھے کر لیا پھر میں نے ان لوگوں کا پیچھا کیا، ان پر تیر چلاتے ہوئے یہاں تک کہ وہ تیس سے زائد چادریں اور تیس نیزے، اپنا بوجھ ہلکا کرتے ہوئے چھوڑ دئے اور وہ نہیں چھوڑتے کوئی چیز مگر میں اس پر پتھر کے نشان رکھ دیتا تا کہ رسول اللہ صلّی اللہ علیہ وسلّم اور آپ ﷺ کے صحابہ اس کو پہچان لیں۔ یہاں تک کہ میں نے رسول اللہ صلّی اللہ علیہ وسلّم کے سواروں کو دیکھا اور ابوقتادہ جو رسول اللہ صلّی اللہ علیہ وسلّم کے گھوڑا سوار تھے عبدالرحمن کے پاس پہنچ گئے اور اس کو قتل کر ڈالا۔ رسول اللہ صلّی اللہ علیہ وسلّم نے فرمایا آج ہمارے بہترین گھوڑے سوار ابوقتادہ ہیں اور ہماری پیدل فوج میں بہترین سلمہ ہیں۔ پھر رسول اللہ صلّی اللہ علیہ وسلّم نے مجھے دو حصے عطا فرمائے گھوڑے سوار کا ایک حصہ اور پیدل فوج کا ایک حصہ23پس آپ ان دونوں کو میرے لئے جمع کئے پھر رسول اللہ صلّی اللہ علیہ وسلّم نے مدینہ منورہ کو واپس ہوتے عضباء اونٹنی پر مجھے اپنے پیچھے بٹھا لیا ہے۔ (مسلم) اور ابن حبان نے اس کی روایت کی اور کہا ہے کہ سلمہ بن اکوع اس جنگ میں پیدل تھے آپ ﷺ نے انہیں اپنے خمس میں سے عطا فرمایا نہ کہ مسلمانوں کے سہمین میں سے۔