Hadith 4211

(حاشیہ صفحہ گزشتہ) 3) تیسرا مسئلہ یہ ہے کہ مکروہ ہے ایک چپل یا ایک موزہ اور ایک جوتے میں چلنا، مگر کسی عذر کی وجہ سے، امام مسلم کی تخریج کردہ یہ احادیث اس کی دلیل ہیں، علماء نے کہا، اور اس کا سبب یہ ہے کہ اس میں شکل بگڑتی ہے اور یہ مثلہ ہے اور وقار کے خلاف بھی ہے، اور اس لئے کہ چپل والا پاؤں دوسرے پاؤں سے اونچا رہے گا تو چلنے میں بھی دشواری ہوگی، اور بعض دفعہ ٹھوکر کھانے کا بھی اندیشہ رہتا ہے۔ اور یہ تینوں قسم کے آداب جو ان تین مسائل میں بیان کئے گئے ہیں ان کے مستحب ہونے پر علماء کا اتفاق ہے۔ اور واجب نہیں ہیں، اب رہا اشتمال الصماء (مد کے ساتھ یعنی الف کے بعد ہمزہ ہے)، امام اصمعی نے کہا اس کا مفہوم یہ ہے کہ آدمی کپڑے میں لپٹ جائے یہاں تک اس طرح کہ جسم کو ایسا لپٹ لے کہ اس سے کوئی بازو اٹھا نہ سکے اور اس میں ایسی کوئی صورت نہ رہے جس سے اپنا ہاتھ نکال سکے۔ اور اکثر اہل لغت یہی بات بیان کرتے ہیں۔ امام ابن قتیبہ نے کہا کہ اس کا نام صماء اس لئے ہے کہ اس طرح کپڑے میں لپٹ جانے سے ایک سخت چٹان کی طرح جس میں کوئی سوراخ اور شگاف نہیں ہوتا سارے راستے بند ہو جاتے ہیں۔ ابو عبید نے کہا البتہ فقہاء کرام کہتے ہیں کہ اشتمال الصماء سے مراد یہ ہے کہ کوئی شخص ایک کپڑے کو جبکہ اس کے جسم پر اس کے سوا دوسرا کپڑا نہ ہو اس طرح لپٹ لے کہ اس کے دو کناروں میں سے ایک کنارہ اپنے ایک کندھے پر ڈال لے۔ علماء نے کہا ہے کہ اہل لغت کے تفسیر کی بناء پر مذکورہ اشتمال صماء مکروہ ہے کیونکہ ایسی صورت میں اگر کپڑے کو توڑوں کو یا اسی طرح کسی موذی چیز کو دفع کرنا ہو تو دشوار یا مشکل ہو جائیگا اور آدمی کو ضرر لاحق ہوگا۔ اور فقہاء کی تفسیر کی بناء پر مذکورہ اشتمال سے اگر شرم گاہ کا کوئی حصہ کھل جاتا ہے تو حرام ہے ورنہ مکروہ ہے۔ اب رہا احتباء (مد کے ساتھ یعنی الف کے بعد ہمزہ ہے) تو وہ یہ ہے کہ آدمی سرین پر بیٹھ کر اپنے دونوں پنڈلیوں کو کھڑے کرے اور ان پر کپڑے وغیرہ سے یا اپنے ہاتھوں سے حلقہ بنائے اور اس بیٹھک کو حبوہ کہتے ہیں۔ حبوہ ’ح‘ کو پیش اور زبر کے ساتھ پڑھا جاتا ہے اور اس طرح کی بیٹھک عرب کی اپنے مجلسوں میں عادت تھی۔ پس اگر اس میں شرم گاہ کا کوئی حصہ کھل جاتا ہے تو یہ حرام ہے اور صاحب مرقات نے کہا کہ علامہ ابن ہمام نے کہا ہے کہ اشتمال الصماء نماز میں مکروہ ہے۔ اور اشتمال الصماء سے مراد یہ ہے کہ آدمی ایک کپڑے کو اپنے سر پر اور جسم پر اس طرح لپیٹے کہ اپنے ہاتھوں کیلئے کوئی راستہ نہ رہے۔ اور کیا اس میں تہبند کا نہ ہونا بھی شرط ہے؟ تو امام محمد نے کہا ہے کہ تہبند کا نہ ہونا شرط ہے اور دیگر علماء نے کہا ہے کہ تہبند کا نہ ہونا شرط نہیں ہے۔ خلاصہ کلام یہ ہے کہ اگر اس سے شرم گاہ کا حصہ کھلنا متحقق ہے تو یہ حرام ہے اور شرم کے حصے کے کھل جانے کا احتمال ہے تو یہ مکروہ ہے۔ اب رہا احتباء کی ممانعت تو وہ بھی شرم کے حصے کے کھل جانے کی قید کے ساتھ ہے ورنہ وہ جائز ہے بلکہ غیر نماز کی حالت میں مستحب ہے۔ 1 قوله انما يلبس الحرير في الدنيا من لا خلاق له في الآخرة . (اس کے سوا نہیں کہ دنیا میں ریشم وہی آدمی پہنتا ہے جس کو آخرت میں کوئی حصہ نہیں ہے) صاحب ہدایہ نے کہا ہے کہ مرد لوگوں کیلئے ریشم کا پہننا حلال نہیں ہے۔ اور عورتوں کیلئے وہ حلال ہے کیونکہ نبی اکرم صلی اللہ علیہ وآلہ وسلم نے ریشم اور دیباج پہننے سے منع فرمایا ہے۔ اور فرمایا ہے کہ اس کو وہی آدمی پہنتا ہے جس کو آخرت میں کوئی حصہ نہیں ہے۔ اور یہ عورتوں کیلئے ایک دوسری حدیث کی بناء پر حلال ہوا ہے اور اس حدیث کو صحابہ رضی اللہ تعالیٰ عنہم کی ایک بڑی تعداد نے روایت کیا ہے، ان میں حضرت سیدنا علی رضی اللہ تعالیٰ عنہ بھی ہیں کہ نبی اکرم صلی اللہ علیہ وآلہ وسلم باہر تشریف لائے اور آپ کے دو ہاتھوں میں سے ایک میں ریشم تھا اور دوسرے میں سونا تھا اور فرمایا یہ دونوں کو میری امت کے مرد لوگوں پر حرام کر دیا گیا اور ان کی عورتوں کیلئے حلال کیا گیا ہے اور ایک روایت میں حلال کے بجائے حل کا لفظ مروی ہے۔ 1 قوله و حرم على ذكورها (اور اس کے مردوں کے لئے حرام کیا ہے) یعنی میری امت کے مرد، اور لفظ ذکور اپنے عموم کی وجہ سے بچوں پر بھی شامل ہوتا ہے لیکن وہ مکلفین میں سے نہ ہونے کی وجہ سے ان کو پہنانے والوں پر حرام ہے اور سونے سے مراد اس کا زیور ہے ورنہ سونے اور چاندی کے برتن تو مرد و عورتوں دونوں پر حرام ہیں اسی طرح چاندی کے زیور عورتوں سے خاص ہیں سوائے اس کے جو مردوں کے لئے مستثنیٰ کئے گئے ہیں جیسے انگوٹھی وغیرہ۔ (مرقات)۔ 2 قوله لبس رسول الله ﷺ يوماً قباء ديباج۔ (رسول اللہ صلی اللہ علیہ وآلہ وسلم نے ایک دن دیباج کا قبا پہنا) صاحب مرقات نے کہا اور اس وقت اس کا پہننا مباح تھا۔ 1 قوله يجب ان يعلم الخ تم اس بات کو جانو کہ امام شافعی اور ان سے اتفاق کرنے والوں کا مذہب یہ ہے کہ مرد کیلئے ریشم کا پہننا جائز ہے جبکہ اس کو خارش ہو اس لئے کہ ریشم میں ٹھنڈک ہوتی ہے، اسی طرح سے جوں اور اس جیسی اور چیزوں کیلئے بھی جائز ہے، اور امام مالک فرماتے ہیں جائز نہیں ہے۔ اور امام اعظم ابو حنیفہ رحمۃ اللہ علیہ نے فرمایا کہ اگر اس کا تانا بانا ریشم کا ہو تو مردوں کیلئے تمام صورتوں میں حرام ہے کیونکہ رسول اللہ صلی اللہ علیہ وآلہ وسلم کے ارشاد ”وحرم على ذكورها“ (اور ریشم مردوں پر حرام ہے) اس ارشاد میں کوئی استثناء نہیں ہے۔ امام یوسف امام محمد رحمہما اللہ تعالیٰ نے کہا ہے جنگ کی حالت میں مکروہ نہیں ہے اور غیر جنگ میں مکروہ ہے کیونکہ شعبی رحمہ اللہ سے روایت ہے کہ رسول اللہ صلی اللہ علیہ وآلہ وسلم نے ریشم اور دیباج کو جنگ میں پہننے کی اجازت دی ہے۔ علامہ عینی کا کہنا ہے شعبی سے یہ روایت ثابت نہیں لیکن ابن عدی نے کتاب الکامل میں ایک حدیث روایت کی ہے جو عیسیٰ بن ابراہیم بن طہمان الہاشمی عن موسیٰ بن حبیب عن الحکم بن عمیر سے مروی ہے اور یہ نبی اکرم صلی اللہ علیہ وآلہ وسلم کے صحابیہ میں سے ہیں انھوں نے کہا رسول اللہ صلی اللہ علیہ وآلہ وسلم نے جنگ کے موقعہ پر ریشم پہننے کی اجازت دی ہے اور امام عبد الحق نے عیسیٰ راوی میں علت کا ذکر کیا ہے اور کہا ہے کہ یہ محدثین کے پاس ضعیف اور متروک ہیں۔ ابن قطان نے اپنی کتاب میں کہا ہے کہ ان سے استدلال نہیں کیا جا سکتا اور موسیٰ بن حبیب بھی ضعیف ہیں اسی لئے اکثر اہل علم نے امام اعظم رحمۃ اللہ علیہ کے قول کے مطابق کہا ہے اور اگر یہ ثابت بھی ہو جائے تو اس کو مخلوط ریشم پر محمول کیا جائیگا اور خارش کی حدیث پیشاب سے علاج کرنے کی نظیر ہے۔ (ماخوذ از نووی، عالمگیری، ہدایہ، بنایہ، العرف الشذی)۔ 1 قوله الا موضع اصبعين او ثلاث او اربع ۔ صاحب مرقات نے کہا کہ اس روایت میں جواز ہے ریشم کے بیل بوٹے کا، جبکہ وہ چار انگشت سے زائد نہ ہوں، اور جمہور فقہاء کا یہی مسلک ہے، قاضی خان نے کہا ہے کہ: بشر نے ابو یوسف سے اور وہ امام ابو حنیفہ سے روایت کیے ہیں کہ کپڑے میں ریشم کی پٹی لگانے میں کوئی حرج نہیں ہے جبکہ وہ چار انگلیوں کی یا اس سے کم کی مقدار میں ہو اور انھوں نے اس میں کسی اختلاف کو بیان نہیں کیا ہے۔ 2 قوله وفرجيها مكفوفين بالديباج ۔ صاحب ہدایہ نے کہا ہے کہ مردوں کے لئے ریشم پہننا حرام ہے اور عورتوں کے لئے حلال ہے مگر تھوڑی مقدار معاف ہے اور وہ تین یا چار انگلیوں کی مقدار ہے جیسے جھالر اور ریشم سے سلا ہوا۔ 3 قوله فاما العلم و سدى الثوب فلا بأس به ۔ صاحب ہدایہ نے کہا ہے کہ ایسے کپڑے کو پہننے میں کوئی حرج نہیں جس کا تانا ریشم کا ہو اور اس کا بانا ریشم کا نہ ہو جیسے روئی اور مخلوط ریشم وغیرہ جنگ میں پہننے میں کوئی حرج نہیں، کیونکہ صحابہ رضوان اللہ علیہم مخلوط ریشم پہنا کرتے تھے اور خز کا تانا ریشم کا ہوتا ہے اور کپڑا تو بننے سے ہی تیار ہوتا ہے اسی لئے بانے کا اعتبار ہے تانے کا نہیں۔ 1 قوله : والنتف فتاوی عالمگیریہ میں ہے سفید بال اکھیڑنا تزیین کیلئے مکروہ ہے دشمن کو خوف زدہ کرنے کیلئے مکروہ نہیں ہے، امام اعظم سے اسی طرح منقول ہے جواہر الاخلاطی میں اسی طرح ہے۔ 2 قوله : عن مكامعة الرجل الرجل بغير شعار الخ - صاحب ہدایہ نے کہا مرد کا مرد کے منہ کو بوسہ دینا یا اس کے ہاتھ کو یا اس کے کسی حصہ کو بوسہ دینا اس سے معانقہ کرنا مکروہ ہے۔ امام طحاوی نے کہا کہ یہ امام اعظم ابوحنیفہ اور امام محمد رحمہ اللہ کا قول ہے اور امام ابو یوسف رحمہ اللہ نے کہا ہے کہ بوسہ دینے اور معانقہ کرنے میں کوئی حرج نہیں ہے کیونکہ مروی ہے کہ نبی اکرم صلی اللہ علیہ وآلہ وسلم نے حضرت جعفر رضی اللہ تعالیٰ عنہ جس وقت حبشہ سے آئے تھے تو ان سے معانقہ کیا اور ان کے دونوں آنکھوں کے درمیان بوسہ دیا۔ اور ان دونوں کی دلیل یہ ہے کہ نبی اکرم صلی اللہ علیہ وآلہ وسلم نے مکاعمہ اور مکامعہ سے منع فرمایا۔ مکامعہ معانقہ ہے اور مکاعمہ بوسہ دینا ہے۔ اور اس کی جو روایت آئی ہے وہ حرمت کا حکم دیئے جانے سے پہلے کی ہے پھر علماء نے کہا ہے کہ جسم پر صرف تہبند ہو تو اس وقت معانقہ کرنے سے متعلق اختلاف ہے۔ لیکن جب اس پر قمیص یا جبہ ہو تو بالاتفاق معانقہ کرنے میں کوئی حرج نہیں ہے اور یہی بات درست ہے۔ (انتہی) اور صاحب غایہ البیان نے کہا ہے کہ بوسہ دینا بھی ایسا ہی ہے جب شہوت کی صورت پر نہ ہو بلکہ محبت کے طور ہو تو اس میں کوئی حرج نہیں۔ 3 قوله : ان يجعل الرجل فى اسفل ثيابه یعنی مرد کپڑوں کے دامن اور کناروں میں چار انگشت سے زائد ریشم رکھے، کیونکہ یہ بات گزر چکی ہے کہ (چار انگشت کی حد تک) جائز ہے اور یہ بات حضور علیہ الصلوٰۃ والسلام کے ارشاد مثل الاعاجم (عجمیوں کی طرح) کی قید سے معلوم ہوتی ہے کہ وہ پوتین کا استعمال زیادہ کرتے ہیں شاید کہ اظہار تکبر اور فخر کیلئے بھی ایسا کیا کرتے تھے۔ علامہ مظہر نے کہا ہے کہ مرد لوگوں کے لئے ریشم کا پہننا خواہ وہ کپڑوں کے نیچے ہو یا کپڑوں کے اوپر ہو، حرام ہے اور عجم کے جاہلوں کی عادت ہے کہ وہ کپڑوں کے نیچے ریشم کا ایک چھوٹا کپڑا پہنتے ہیں تا کہ ان کے اعضاء کو وہ نرم بنائے رکھیں۔ (مرقات)۔ 4 قوله : او يجعل على منكبه حريرا - یعنی ریشم کے بیل بوٹے جو چار انگل کی مقدار سے زائد ہوں۔ (مرقات)۔ 1 قوله : و عن ركوب النمور . اور فتاوی عالمگیریہ میں ہے ببر اور تمام درندوں کی کھال سے جب کہ اس کی دباغ ہوئی ہو تو اس سے جائے نماز یا زین پوش بنانے میں کوئی حرج نہیں ہے۔ کتاب الملتقط میں اسی طرح ہے اور لفظ ”لا بأس“ حرج نہیں یہ ترک اولیٰ میں استعمال ہوتا ہے، کیونکہ ببر پر سوار ہونا عجمیوں کے طریقوں میں سے ہے اس میں زینت اور تکبر کا اظہار ہوتا ہے۔ اس سے ممانعت کی یہی وجہ ہے۔ اور علامہ طیبی شافعی نے جو وجہ بتائی ہے کہ ببر پر سواری کرنے کی ممانعت اس کے بالوں کی نجاست کی وجہ سے ہے، کیونکہ وہ دباغت سے بھی پاک نہیں ہوتی۔ یہ درست نہیں، کیونکہ ہم یہ کہتے ہیں اس وجہ کا اعتبار نہیں ہے، کیونکہ ہر چمڑا جب اس کی دباغت ہو جاتی ہے تو وہ پاک ہو جاتا ہے۔ سوائے انسان اور سور کے اور ایک قول کے مطابق سوائے کتے کے، ہمارے پاس مردار کے بال اپنی اصل کے اعتبار سے پاک ہیں۔ (ماخوذ از مرقات)۔ 2 قوله: ولبوس الخاتم الا لذي سلطان ۔ صاحب درمختار نے کہا، حاکم قاضی اور وہ جن کو مہر کی ضرورت ہوتی ہے جیسے متولی ہے ان کے سوا دوسروں کیلئے انگوٹھی کو ترک کرنا ہی افضل ہے۔ اور صاحب ردالمحتار نے کہا اس میں اشارہ ہے اس بات کی طرف کہ جن کو مہر کی ضرورت ہے ان کو انگوٹھی کا پہننا سنت ہے، کتاب اختیار میں اسی طرح ہے۔ اور امام قہستانی نے کہا کرمانی میں ہے، امام حلوانی نے اپنے بعض تلامذہ کو اس سے منع کیا ہے، اور فرمایا جب تم قاضی بنو تو انگوٹھی پہنو اور کتاب بستان میں بعض تابعین سے روایت نقل ہے کہ انگوٹھی کا استعمال امیر، کاتب اور بیوقوف کے سوا کوئی نہیں کرتا۔ اس سے یہ بات ظاہر ہے کہ جس کو مہر کی ضرورت نہیں اس کیلئے انگوٹھی مکروہ ہے۔ لیکن مصنف نے جو افضل ہے کہا ہے، اس سے جواز معلوم ہوتا ہے جیسے ہدایہ وغیرہ میں ہے۔ اور درر میں اس کو اولیٰ (بہتر) سے اور کتاب اصلاح میں اس کو احب (زیادہ پسندیدہ) سے تعبیر کیا گیا ہے۔ اور یہ ممانعت کراہیت تنزیہی ہے۔ اور فتاوی تاتارخانیہ میں کتاب بستان سے روایت ہے کہ بعض حضرات انگوٹھی کے اختیار کرنے کو مکروہ قرار دیتے ہیں سوائے صاحب اقتدار کے اس کیلئے جائز ہے اور عام اہل علم نے اس کو جائز قرار دیا ہے۔ یونس بن ابی اسحاق سے روایت ہے انھوں نے کہا میں قیس بن ابی حازم اور عبدالرحمن بن اسود اور شعبی وغیرہ کو دیکھا ہوں وہ سب اپنے بائیں ہاتھ میں انگوٹھی پہنا کرتے تھے حالانکہ ان کو کوئی اقتدار نہیں تھا۔ اور اس لئے کہ سلطان زینت کے لئے بھی پہنتا ہے اور زینت کی ضرورت اور مہر کی ضرورت دونوں برابر ہیں تو انگوٹھی دوسرے کیلئے بھی جائز ہوگی۔ اس کو ہم اختیار کرتے ہیں اور یہ اختیار کرنا جواز کے درجے میں ہے جیسا کہ عام فقہاء کا قول ہے اور یہ اس بات کے خلاف نہیں ہے کہ جس کو ضرورت نہیں ہے اس کیلئے انگوٹھی کا ترک کرنا اولیٰ ہے۔ اس کو سمجھ لو اور اس کا تقاضا یہ ہے کہ انگوٹھی زینت اور مہر کیلئے مکروہ نہیں ہے اور محض زینت کے لئے تو اس کا بیان گزر چکا ہے۔ 1 قوله : نهانا رسول الله ﷺ ان نشرب فى آنية الفضة والذهب وان نأكل فيها (رسول اللہ صلی اللہ علیہ وآلہ وسلم نے چاندی اور سونے کے برتنوں میں کھانے اور پینے سے ہم کو منع فرمایا) صاحب درمختار نے کہا ہے کہ سونے چاندی کے برتن میں کھانا پینا، تیل لگانا اور خوشبو لگانا مرد اور عورت دونوں کیلئے مکروہ ہے کیونکہ حدیث شریف میں اطلاق ہے اسی طرح چاندی اور سونے کے چمچے سے کھانا بھی مکروہ ہے اسی طرح ان دونوں کی سلائی سے سرمہ لگانا اور اسی کے مشابہ ان دونوں کی چیزوں کا استعمال جیسے سرمہ دانی، آئینہ، قلم، دوات اور اس جیسی دیگر چیزیں جب یہ چیزیں جس کام کیلئے بنائی گئی ہیں لوگوں کے عرف کے مطابق اگر ابتداء اسی کام میں استعمال ہوں تو مکروہ ہے ورنہ مکروہ نہیں۔ اسی طرح اگر سونے کے برتن میں سے کھانا دوسری چیز میں منتقل کر دیا گیا، پانی یا تیل کو راست سر پر ڈالنے کے بجائے اس میں سے ہتھیلی میں لیکر ڈالا جائے تو اس میں حرج نہیں ہے۔ (مجتبی اور دیگر کتب) اور در میں جو لکھا گیا ہے وہ یہی ہے اس کو یاد رکھنا چاہئے۔ 2 قوله : عن لبس الحرير و الديباج و ان يجلس عليه (اور ریشم سے اور دیباج (باریک ریشم) پہننے سے اور اس پر بیٹھنے سے منع فرمایا) فتاویٰ قاضی خان میں ہے کہ امام اعظم ابوحنیفہ رحمہ اللہ نے فرمایا ریشم اور دیباج (مہین ریشمی کپڑے) کو بچھانے اور ان پر سو جانے میں کوئی حرج نہیں ہے۔ اسی طرح تکیے اور گھر یلو راحت کی چیزیں، فرش اور پردے وغیرہ دیباج اور ریشم کے اختیار کرنے میں کوئی حرج نہیں جب کہ اس میں تصاویر نہ ہوں۔ اور امام ابویوسف اور امام محمد رحمہما اللہ نے کہا ہے کہ یہ ریشم کی ساری چیزیں مکروہ ہیں۔ خلاصہ یہ ہے کہ حدیث شریف میں وارد ممانعت کو صاحبین نے مکروہ تحریمی پر محمول کیا ہے اور امام اعظم ابوحنیفہ علیہ الرحمہ نے مکروہ تنزیہی پر محمول کیا ہے جیسا کہ آپ نے اپنے اس قول سے ارشاد فرمایا ہے۔ لا بأس فان (حاشیہ صفحہ گزشتہ) الورع من يدع مالا بأس به مخافة ان يكون به بأس ۔ (کوئی حرج نہیں کیونکہ پرہیزگار شخص وہ ہے جو اس چیز کو بھی چھوڑ دے جس میں حرج نہیں ہے اس اندیشہ سے کہ اس کی وجہ سے کوئی حرج ہوجائے)۔ اور مشہور حدیث ”دَعْ مَا يُرِيبُكَ اِلٰى مَا لَا يُرِيبُكَ“ کا مفہوم یہی ہے اور امام اعظم ابو حنیفہ رحمہ اللہ کو اس کے حرمت کی نہی ہونے کی کوئی قطعی دلیل نہیں ملی۔ اور ریشم پہننے کے حرام ہونے کی جو صراحتیں آئی ہیں وہ اس کو شامل نہیں ہیں کیونکہ کسی چیز پر بیٹھنے کو لبس نہیں کہا جاتا اس لئے آپ نے اس پر مکروہ تنزیہی ہونے کا حکم لگایا۔ اور یہ آپ کے فتوی میں احتیاط کی وجہ سے ہے۔ لیکن آپ کا تقوی پر عمل کرنا وہ اس قدر مشہور ہے، کہ کسی پر پوشیدہ نہیں اور آپ کے مناقب میں اس کا ذکر اس قدر آیا ہے کہ شمار کرنا مشکل ہے۔ (مرقات)۔ صاحب درمختار نے کہا ہے کہ آپ کے پاس ریشم کا تکیہ اور اس کا بستر بنانا اور اس پر سونا جائز ہے۔ لیکن صاحبین نے اور امام شافعی اور امام مالک رحمہم اللہ نے کہا کہ وہ حرام ہے اور مواہب میں ہے کہ یہی بات صحیح ہے۔ میں کہتا ہوں یہ بات یاد رکھی جائے کہ یہ قول مشہور کے خلاف ہے۔ صاحب ردالمختار نے کہا امام صاحب رحمہ اللہ کے پاس اس کا حلال ہونا اس لئے ہے کہ مروی ہے کہ نبی اکرم صلی اللہ علیہ وآلہ وسلم ریشم کے تکیہ پر بیٹھے ہیں اور حضرت ابن عباس رضی اللہ تعالیٰ عنہما کے بستر پر ریشم کا تکیہ تھا۔ اور روایت ہے کہ حضرت انس رضی اللہ تعالیٰ عنہ ایک دعوت میں تشریف لائے اور ریشم کے تکیہ پر بیٹھ گئے۔ اور یہ اسی لئے ہے کہ ریشم پر بیٹھنا اس کا استخفاف (اس کے ہلکے ہونے کی علامت) ہے اس میں اس کی تعظیم نہیں ہے۔ اور یہ تصاویر والے بستر پر بیٹھنے کے قائم مقام ہے۔ (السراج)۔ 1 قوله : فلا تلبسها (تم اس کو مت پہنو) فتاوی قاضی خان میں ہے مرد کیلئے کسم، زعفران اور اس میں رنگا ہوا کپڑا پہننا مکروہ ہے۔ (از مرقات) صاحب درمختار نے کہا ہے کسم میں رنگا ہوا اور زعفران میں رنگا ہوا سرخ اور پیلا رنگ مرد لوگوں کے لئے مکروہ ہے اور اس سے یہ معلوم ہوتا ہے کہ یہ عورتوں کے لئے مکروہ نہیں ہے۔ 1؎ قولہ: و قد رأيته في حلة حمراء میں نے حضور صلی اللہ علیہ وآلہ وسلم کو سرخ جوڑا زیب تن کئے ہوئے دیکھا ہے، قاضی نے کہا یہ حدیث امام شافعی کے مذہب کی دلیل ہے کہ سرخ لباس پہننے میں کوئی حرج نہیں ہے جبکہ وہ ریشم کا نہ ہو۔ انتہی میں کہتا ہوں کہ حنفیہ کے پاس بھی اس کا پہننا جائز ہے جبکہ وہ ریشم کا اور کسم کے رنگ میں رنگا ہوا نہ ہو۔ (بذل المجہود)۔ (حاشیہ صفحہ گزشتہ) صاحب مرقات نے کہا البتہ حضور صلی اللہ علیہ وآلہ وسلم کے شمائل مبارکہ کے بارے میں جو حدیث شریف آئی ہے کہ آپ پر سرخ جوڑا تھا تو حافظ ابن حجر نے کہا کہ یہ حدیث صحیح ہے اور اسی سے ہمارے امام شافعی نے سرخ کپڑا پہننے کے جواز پر استدلال کیا ہے اگرچہ وہ گہرا سرخ ہو اور صاحب درمختار و صاحب ردالمحتار نے کہا ہے: کسم میں رنگا ہوا اور زعفران میں رنگا ہوا، سرخ اور پیلے رنگ کا لباس مردوں کیلئے مکروہ ہے اس سے یہ بات معلوم ہوتی ہے کہ عورتوں کیلئے یہ مکروہ نہیں ہے اور باقی تمام قسم کے رنگوں میں ان کے لئے کوئی حرج نہیں ہے۔ مجتبیٰ، قہستانی اور ابی المکارم کی شرح نقایہ میں ہے سرخ رنگ کا کپڑا پہننے میں کوئی حرج نہیں اور یہ بات امام صاحب سے منقول ہے۔ (ملتقط) اس کا مفاد یہ ہوا کہ یہ کراہت تنزیہی ہے کیونکہ لفظ ”لابأس“ (کوئی حرج نہیں ہے) عموماً ان چیزوں کیلئے استعمال ہوتا ہے جن کا ترک کردینا اولیٰ و بہتر ہے(شخ) لیکن کتاب تحفہ میں اس کی حرمت کی صراحت کی گئی ہے لہٰذا معلوم ہوا کہ یہ مکروہ تحریمی ہے اور جب مطلق کراہت کا ذکر آتا ہے تو اس سے یہی مراد ہوتا ہے۔ یہ بات مصنف نے فرمائی ہے ”منتخب فتاویٰ“ میں ہے صاحب روضہ نے کہا مرد و عورت، ہر دو کیلئے سرخ اور سبز کپڑا پہننا بلا کسی کراہت کے جائز ہے۔ اگر نجس چیز میں یہ رنگے جانے کی تاویل کے ذریعے تطبیق و اختیار یہ کیا جائے تو یہ تمام دلائل اور مجتبیٰ، قہستانی اور شرح ابی المکارم میں جو کچھ مذکور ہے وہ سب مکروہ تحریمی کے قول کے معارض ہوتے ہیں۔ میں کہتا ہوں امام شرنبلالی کا اس بارے میں تحفة الاكمل والهمام المصدر لبيان جواز لبس الاحمر، کے نام سے ایک مستقل رسالہ ہے انھوں نے اس میں کثرت سے دلائل اور اقوال کو ذکر کئے ہیں جن میں سے بعض کو ہم نے پیش کیا ہے اور انھوں نے کہا ہم کو حرمت کے اثبات میں کوئی قطعی دلیل نہیں ملی۔ اور اس کے پہننے کی ممانعت اس علت کی بناء پر ہے جو پہننے والے کے ساتھ پیدا ہوتی ہے جیسے عورتوں یا عجمیوں کے ساتھ مشابہت اختیار کرنے کی غرض یا تکبر کے طور پر، اور اگر یہ علت ختم ہوجائے تو کراہت ختم ہوجاتی ہے جیسے اخلاص نیت کے ساتھ اللہ تعالیٰ کی نعمت کو ظاہر کرنا مقصود ہو۔ اور نجس چیز میں رنگنے کی وجہ سے جو کراہت آئی ہے وہ اس کو دھو لینے سے ختم ہوجاتی ہے اور اس کے جواز کو امام اعظم رحمہ اللہ کی جو صراحت اور اس کی مباح ہونے کی جو قطعی دلیل ہم نے پائی ہے وہ یہ ہے کہ زینت اختیار کرنے کا حکم مطلق ہے اور ہم کو بخاری و مسلم میں اس کی دلیل ملی ہے اس سے حرمت و کراہت کی نفی ہوجاتی ہے بلکہ نبی اکرم صلی اللہ علیہ وآلہ وسلم کی اقتداء کرتے ہوئے اس کا مستحب ہونا ثابت ہوتا ہے۔ اور جو اس پر مزید معلومات حاصل کرنا چاہے تو وہ مذکورہ دلائل دیکھے۔ میں کہتا ہوں لیکن اکثر کتابوں میں اس کی کراہت مذکور ہے جیسے سراج، محیط، اختیار، ملتقیٰ، ذخیرہ وغیرہ اور علامہ قاسم کا فتویٰ بھی یہی ہے۔ حاوی زاہدی میں ہے کہ سر میں پہننا بالاتفاق مکروہ نہیں ہے اس رسالہ میں آٹھ اقوال مذکور ہیں جن میں سے ایک قول یہ ہے کہ وہ مستحب ہے۔ 1؎ قوله : وعليه ثوبان اخضران (آپ پر دو سبز رنگ کے کپڑے تھے) صاحب ردالمحتار نے فرمایا سبز رنگ کا لباس پہننا سنت ہے۔ جیسا کہ ”شرعۃ“ میں ہے۔ 1 قوله : البسوا الثياب البيض الخ (سفید کپڑے پہنو) صاحب رد المحتار نے فرمایا سفید لباس پہننا مستحب ہے۔ 1 قولہ : ان البذاذة من الايمان (بیشک سادگی ایمان سے ہے) اس حدیث شریف سے یہ بتانا مقصود ہے کہ لباس میں تواضع اختیار کرنا اور حد درجہ زینت سے بچنا اہل ایمان کے اخلاق سے ہے اور (حاشیہ صفحہ گزشتہ) ایمان ہی اس کا باعث ہے۔ مرقات میں ہے اور صاحب ردالمحتار نے کہا جانو تم اس بات کو کہ زینت کا لباس پہننا مکروہ ہے جبکہ وہ تکبر کے لئے ہو۔ 1 قوله : ان الله يحب ان يرى اثر نعمته على عبده (بیشک اللہ تعالیٰ پسند کرتا ہے کہ اس کے بندے پر اس کی نعمت کا اثر ظاہر ہو) صاحب ردالمحتار نے کہا ہے جانو تم اس بات کو کہ لباس اس میں ایک مستحب ہے اور وہ زینت کو اختیار کرنے والا اور اللہ تعالیٰ کی نعمت کو ظاہر کرنے کیلئے پہنا جانے والا زائد لباس ہے حضور اکرم علیہ الصلوۃ والسلام نے فرمایا: بیشک اللہ تعالیٰ اپنے بندے پر اپنی نعمت کا اثر دیکھنا پسند کرتا ہے اور لباس اس کی ایک قسم مباح ہے اور وہ عید، جمعہ اور لوگوں کے اجتماعات کے موقع پر زینت کی خاطر پہنا جانے والا خوبصورت لباس ہے اور یہ ہر وقت کیلئے نہیں کیونکہ یہ خود پسندی اور تکبر ہے اور یہ بسا اوقات محتاج و تنگدست افراد کے غیظ و غضب کا باعث بنتا ہے۔ پس اس سے احتیاط کرنا بہتر ہے اور ”ہندیہ“ میں ”سراجیہ“ سے منقول ہے خوبصورت کپڑے پہننا مباح ہے جب کہ وہ تکبر نہ کرے۔ اس کی تفسیر یہ ہے وہ ان کپڑوں کو پہن کر ایسا ہی رہے جیسے پہلے تھا۔ صاحب مرقات نے کہا: پس اگر تم کہو کیا یہ بات نہیں ہے کہ حضور اکرم صلی اللہ علیہ وآلہ و سلم نے سادگی پر ابھارا تاکہ وہ ضرورت کے وقت اس سے روگردانی نہ کرے اور پرتکلف کپڑوں کیلئے تکلف (حاشیہ صفحہ گزشتہ) نہ کرے جیسا کہ لوگوں کی عادت میں دیکھا جاتا ہے حتی کہ علماء اور صوفیاء میں، البتہ وہ شخص جو صاف ستھرے اور نئے لباس پر قدرت رکھنے کے باوجود اس کو اپنی عادت بنا لے تو اس کیلئے جائز نہیں کیونکہ یہ خساست اور ہلکا پن ہے۔ 1 قوله : فلير اثر نعمة الله عليك و كرامته (تم پر اللہ کی نعمت اور اس کی نوازش کا اثر دکھائی دیا جانا چاہئے) شرح السنۃ میں ہے یہ حکم صفائی اور نظافت کے ذریعہ اچھے کپڑے اختیار کرنے اور اگر میسر ہو تو نئے کپڑے پہننے سے متعلق ہے عجمیوں کی عادت کے مطابق نرم ملائم اور باریک قسم کے کپڑے اور ایک لباس کے اوپر دوسرا لباس پہننے میں مبالغہ نہیں کرنا چاہئے۔ (مرقات)۔ 1 قوله : ما كان يجد هذا يغسل به ثوبه (یہ شخص وہ چیز نہیں پاتا جس سے اپنا لباس دھولے) طیبی نے کہا حضور اکرم صلی اللہ علیہ وآلہ وسلم نے اس شخص کی سادگی کو اس لئے ناپسند فرمایا کیونکہ وہ ذلت و رسوائی کا باعث ہے۔ اور اب حضور اکرم صلی اللہ علیہ وآلہ وسلم کا یہ ارشاد ”البذاذة من الايمان“، سادگی ایمان سے ہے۔ تو اس سے مومن کیلئے تواضع کو ثابت کرنا ہے جیسا کہ حدیث میں آیا ہے مومن تواضع والا ہوتا ہے اور ذلیل و خوار نہیں ہوتا اور اسی کیلئے عزت ہے تکبر نہیں ہے۔ اور اسی میں ابوبکر رضی اللہ عنہ کی حدیث ہے، بے شک تم ان لوگوں میں سے نہیں ہو جو تکبر کی وجہ سے ایسا کرتے ہیں۔ میں کہتا ہوں: درست بات یہ ہے کہ سادگی اور معمولی لباس پر اکتفاء کرنا اس نظافت و ستھرائی کے منافی نہیں ہے جس کے بارے میں آیا ہے کہ وہ دین سے ہے اور یہ ارباب یقین کے پاس ذلت و رسوائی کو لازم نہیں کرتی۔ (مرقات)۔ 2 قوله : كل ما شئت والبس ما شئت ..... الخ (تم جو چاہے کھاؤ اور جو چاہے پہنو) صاحب فتاویٰ عالمگیریہ نے جو بات کہی ہے وہ اسی مفہوم کے قریب ہے اور اس کا خلاصہ یہ ہے کہ جو کوئی اس میں سے کچھ بھی تکبر کی وجہ سے کرے تو وہ ناپسندیدہ ہے۔ اور کسی ضرورت اور حاجت کی وجہ سے ایسا کرے تو وہ مکروہ نہیں ہے۔ (کافی)۔ 1 قولہ : من لبس ثوب شهرة (جو کوئی شہرت کا لباس پہنے) یعنی تکبر، فخر اور بڑائی کا لباس پہنے یا وہ لباس پہنے جس کو بناوٹی زاہد اپنے آپ کو زاہد سے مشہور کرنے کیلئے پہنا کرتے ہیں، یا وہ لباس پہنے جس کو بناوٹی سید سیادت کی علامت کے طور پر پہنتے ہیں جیسے سبز کپڑا یا بناوٹی فقیہ جو فقہاء کا لباس پہنتے ہیں اس جیسا لباس پہنے حالانکہ وہ ⟦?⟧ میں سے ہے (مرقات) بہتر یہ ہے کہ لباس عمدہ اور معمولی کے درمیان میں ہو کیونکہ سب سے بہترین کام ان میں کے درمیانی ہوتے ہیں اور اس لئے بھی کہ دو قسم کی شہرت والے لباس سے منع کیا گیا ہے ۱) ایک جو انتہائی اعلیٰ قسم کا ہو ۲) دوسرا وہ جو نہایت ہی خسیس و معمولی ہو۔ 1 قولہ: اتخذ النبي صلى الله عليه وسلم خاتما من ذهب (نبی اکرم صلی اللہ علیہ وسلم نے سونے کی انگوٹھی بنوائی) یہ واقعہ مردوں پر سونا حرام کئے جانے سے پہلے تھا۔ امام محمد نے موطا میں فرمایا: مرد آدمی کے لئے نہ سونے کی انگوٹھی پہننا درست ہے اور نہ لوہے کی اور نہ پیتل کی، اور وہ چاندی کی انگوٹھی کے سوا نہ پہنے البتہ عورتوں کے لئے سونے کی انگوٹھی پہننے میں کوئی حرج نہیں ہے۔ امام نووی نے کہا: علماء متفق ہیں کہ سونے کی انگوٹھی عورتوں کے لئے مباح ہے اور مردوں کے لئے حرام ہے (مرقات)۔ 2 قولہ: وجعله في يده اليمنى (اور آپ نے اس کو اپنے دائیں ہاتھ میں پہنا) انگوٹھی کو دائیں اور بائیں ہاتھ میں پہننا حضور علیہ الصلوۃ والسلام سے ثابت ہے۔ اختلاف افضلیت کے بارے میں ہے۔ علامہ عینی نے ”عمدۃ القاری“ میں کہا کہ ہمارے شیخ نے ترمذی کی شرح میں فرمایا: احادیث سے دائیں ہاتھ میں انگوٹھی پہننے کا استحباب ثابت ہے۔ اور امام شافعی کے اصحاب کے دو قولوں میں قابل ترجیح قول یہ ہے کہ دائیں ہاتھ میں انگوٹھی پہننا بہ نسبت بائیں ہاتھ کے افضل ہے۔ اور امام مالک کے مذہب میں بائیں ہاتھ میں انگوٹھی پہننا مستحب ہے اور انہوں نے دائیں ہاتھ میں انگوٹھی پہننے کو مکروہ قرار دیا۔ اب رہا احناف کا مذہب تو فقیہ ابواللیث نے ”جامع صغیر“ کی شرح میں انگوٹھی پہننے سے متعلق دائیں اور بائیں دونوں کو برابر قرار دیا ہے۔ انتہی۔ صاحب درمختار اور ردالمحتار نے فرمایا: اس (کے نگینہ) کو بائیں ہاتھ میں ہتھیلی کے اندر کی جانب رکھے۔ اور (حاشیہ صفحہ گزشتہ) ایک قول میں سیدھے ہاتھ میں رکھنا ہے مگر یہ روافض کا شعار ہے لہذا اس سے بچنا واجب ہے (قہستانی وغیرہ) قہستانی کی عبارت جو محیط سے منقول ہے یہ ہے: جاز ان يجعله فى اليمنى الا انه شعار الروافض۔ (دائیں ہاتھ میں اس کو پہننا جائز ہے مگر یہ کہ یہ روافض کا شعار ہے)۔ اور اسی طرح ”ذخیرہ“ میں بھی ہے تم غور کرو۔ میں کہتا ہوں ہو سکتا ہے کہ ایسا تھا اور ختم ہو گیا تم بصیرت سے کام لو۔ یعنی پہلے زمانے میں وہ ان کا شعار تھا پھر ختم ہو گیا۔ موجودہ زمانے میں بالکل یہ نہیں رہا۔ اب وہ جیسا بھی ہو اس سے روکا نہیں جائے گا۔ ”غایۃ البیان“ میں ہے کہ جامع صغیری کی شرح میں فقیہ ابواللیث نے دائیں اور بائیں ہاتھ میں سے کسی میں بھی پہننے کو مساوی قرار دیا ہے اور یہی حق ہے کیونکہ اس بارے میں رسول اللہ صلی اللہ علیہ وسلم سے روایتیں مختلف ہیں۔ اور بعض لوگوں کا یہ کہنا کہ ”دائیں ہاتھ میں پہننا باغیوں کی علامتوں میں سے ہے“ یہ کوئی چیز نہیں ہے۔ کیونکہ رسول اللہ (ﷺ) سے جو صحیح حدیث منقول ہے اس سے اس کی نفی ہوتی ہے۔ 1 قولہ: ثم اتخذ خاتما من ورق (پھر آپ (ﷺ) نے چاندی کی انگوٹھی بنوائی) صاحب رد محتار نے کہا: انگوٹھی صرف چاندی کی پہنی جائے کیونکہ اس سے ضرورت پوری ہو جاتی ہے۔ 2 قولہ: وقال لا ينقش احد على نقش خاتمى هذا (اور آپ نے فرمایا: کوئی شخص میری انگوٹھی کے اس نقش کی طرح ہرگز نقش نہ کرائے) صاحب رد محتار نے کہا: وہ اس پر اپنا نام یا اللہ تعالیٰ کا نام نقش کروائے، کسی انسان یا پرندے کی تصویر کا نقش اور ”محمد رسول اللہ“ کا نقش نہ کروائے۔ 3 قولہ: وكان اذا لبسه جعل فصه مما يلى بطن كفه (اور آپ ﷺ جب اس کو پہنتے تو اس کا نگینہ اپنی ہتھیلی کے اندر کے حصے میں رکھتے تھے) صاحب ہدایہ نے کہا: مرد نگینہ کو اپنی ہتھیلی کے اندرونی حصے کی جانب رکھے برخلاف عورتوں کے وہ اوپر کی جانب رکھ سکتی ہیں اس لئے کہ وہ ان کے حق میں زینت کا باعث ہے۔ 1 قوله: وعن قراءة القران فى الركوع (اور رکوع میں قرآن پڑھنے سے منع فرمایا) اور ’’البحر‘‘ میں ہے: رکوع اور سجدے میں قرآن کی تلاوت مکروہ تحریمی ہے (عُرف شذی) 2 قوله: انا اكره ان يلبس الغلمان شيئا من الذهب الخ (میں اس بات کو ناپسند کرتا ہوں کہ بچوں کو سونے کی کوئی چیز پہنائی جائے) صاحب درمختار نے کہا: بچے کو سونا یا ریشم پہنانا مکروہ ہے کیونکہ جس کا پہننا اور پینا حرام ہے اس کو پہنانا اور پلانا حرام ہوگا۔ 1 قوله: الصفرة یعنی الخلوق (زرد رنگ یعنی خلوق زعفران ملی ہوئی زرد رنگ کی خوشبو) صاحب مرقات نے کہا: اور اس سے جو منع کیا گیا ہے وہ مردوں کے ساتھ خاص ہے۔ 2 قوله: وتغيير الشيب (اور بالوں کی سفیدی کو تبدیل کرنا) امام محمد نے اپنی موطا میں کہا: ہم کسم اور مہندی اور پیلے رنگ کا خضاب کرنے میں کوئی حرج نہیں سمجھتے ہیں۔ اور اگر وہ ان کو سفید ہی چھوڑ دیں تو کوئی حرج نہیں ہے اور وہ سب درست ہیں۔ 3 قوله: والتبرج بالزينة (اور عورت کا جنبیوں کے لئے اپنی زینت کو ظاہر کرنا) یعنی عورت کا مردوں کے سامنے اپنی زینت اور اپنے محاسن کو ظاہر کرنا ”لغير محلها“ کا مطلب اس کے شوہر اور محارم کے غیر کے لئے ہے۔ (مرقات) 4 قوله: والضرب بالكعاب (نردوں سے کھیلنا) اور اس سے مراد نرد کھیلنے سے منع کرنا ہے اور وہ حرام ہے آپ علیہ الصلوٰۃ والسلام اور صحابہ نے اس کو ناپسند کیا۔ اور شطرنج کھیلنا بھی اسی کے معنی میں ہے اور وہ ہمارے پاس مکروہ ہے۔ 5 قوله: والرقى الا بالمعوذات (اور معوذات کے ماسوا سے دم کرنا) امام محمد نے اپنی موطا میں کہا: اسی کو ہم اختیار کرتے ہیں۔ جو چیز قرآن میں ہے اور جو اللہ کے ذکر سے ہے اس سے تعویذ و دم کرنے میں کوئی حرج نہیں ہے البتہ جس کلام کا مفہوم معلوم نہ ہو اس سے تعویذ و دم نہیں کرنا چاہئے۔ 6 قوله: وعقد التمائم (اور تعویذ باندھنا) تمائم: تمیمہ کی جمع ہے اور یہاں ”تمائم“ سے جاہلیت کے تعویذات مراد ہیں جو شیطانوں کے ناموں پر اور ایسے الفاظ پر مشتمل ہوتے ہیں جن کے معنی معلوم نہیں ہوتے تھے۔ اور یہ بھی کہا گیا ”تمائم“ وہ منکے ہیں جن کو جاہلیت میں عرب اپنے بچوں پر لٹکاتے تھے، اور یہ خیال کرتے تھے کہ وہ ان کے ذریعہ نظر سے محفوظ رہتے ہیں، اسلام نے اس کو باطل قرار دیا کیونکہ صرف اللہ تعالیٰ ہی نفع پہنچاتا ہے اور وہی ضرر دفع کرتا ہے (مرقات) اور صاحب ”درمختار“ نے ”مجتبیٰ“ میں کہا: جو تعویذ عربی میں نہ ہو وہ مکروہ ہے۔ 1؎ قولہ: وعزل الماء لغير محله (غیر محل میں عزل کرنا) ”لغير محله“ کے معنی بغیر الوعاء۔ کیونکہ عزل کا محل باندیاں ہیں نہ کہ آزاد عورتیں۔ اور آزاد عورت کے بارے میں یہ اس کی اجازت نہ دینے پر محمول ہے اور یہ بھی کہا گیا ہے کہ اس میں ”اتيان الدبر“ (مبرز میں وطی) سے کنایہ ہے، یعنی منی کو اس کی حلال جگہ کے سوا میں ڈالنا کیونکہ منی کا محل عورت کی سامنے کی شرمگاہ ہے۔ (مرقات) 2؎ قولہ: الا مقطعا (مگر یہ کہ وہ ریزہ ریزہ ہو) یعنی کہ اس کی مانند ٹکڑے ہوئے چھوٹے چھوٹے ٹکڑے جو ہتھیاروں، چاندی کی انگوٹھیوں اور کپڑوں کے نقش و نگار پر ہوں۔ ہمارے علماء میں سے بعض شارحین نے اسی طرح ذکر کیا ہے۔ (مرقات) 1 قوله: فامره النبي صلى الله عليه وسلم ان يتخذ انفا من ذهب (تب نبی اکرم صلی اللہ علیہ وسلم نے ان کو حکم فرمایا کہ وہ سونے کی ناک بنا لیں) اسی وجہ سے صاحب درمختار نے کہا: اور وہ سونے کی ناک بنوا سکتا ہے کیونکہ چاندی میں بو آ سکتی ہے۔ 2 قوله: وعليه خاتم من حديد الخ (اس حال میں کہ اس پر لوہے کی انگوٹھی تھی) وہ صرف چاندی کی انگوٹھی پہن سکتا ہے، کیونکہ اس سے ضرورت پوری ہو جاتی ہے اور اس کے سوا سب حرام ہیں مثلاً پتھر، سونا، لوہا، پیتل، سیس اور کانچ وغیرہ۔ اور ”جوہر“ میں ہے لوہے، پیتل، تانبے اور سیس کی انگوٹھی پہننا مردوں اور عورتوں کے لئے مکروہ ہے۔ (ماخوذ از درمختار، ردالمختار) 3 قوله: ولا تتمه مثقالا (اور تم اس کو مکمل ایک مثقال کی مت بناؤ) یعنی ایک مثقال سے زائد نہ ہو، یہ صاحب درمختار نے کہا اور صاحب ردالمختار نے کہا: ایک قول یہ ہے کہ لا يبلغ به المثقال ایک مثقال سے کم ہو۔ (ذخیرہ) میں کہتا ہوں سابقہ حدیث سے جس میں آپ علیہ الصلوٰۃ والسلام کا یہ قول ہے ”ولا تتمه مثقالا“ (ایک مثقال کی نہ ہو) اس کی تائید ہوتی ہے۔ 1؎ قولہ: ثم القاہ (پھر آپ نے اس کو نکال دیا) اس میں ظاہر بات یہ ہے کہ آپ ﷺ سونے کی انگوٹھی کو حرام قرار دینے کے بعد نقش کے بغیر زینت کے ارادہ سے چاندی کی بے نقش کی انگوٹھی پہنے تو لوگ اتباع سنت میں اس کو پہنے اور آپ ﷺ نے اس پر مرتب ہونے والے اثر تکبر کو دیکھا، تو اس کو نکال دیا تو لوگ بھی اس کو نکال دئے۔ پھر آپ مہر لگانے کے لئے اس کی ضرورت محسوس کئے تو اس کو پہن لئے اور لوگوں سے فرمائے ہم ایک انگوٹھی بنوائے ہیں اور اس میں ایک مصلحت کے لئے ایک نقش کروائے ہیں اب کوئی اس پر، ہمارا نام نقش نہ کروائے۔ اگر ضرورت ہو تو وہ اپنا نام نقش کروائے۔ ہمارے ائمہ اور دوسروں میں سے جس نے بھی یہ کہا ہے کہ غیر حاکموں کو انگوٹھی پہننا مکروہ ہے، اس کی وجہ اس حدیث شریف سے ظاہر ہوتی ہے۔ امام احمد، ابوداؤد، نسائی نے ابو ریحانہ سے روایت نقل کیا ہے کہ حضور ﷺ نے انگوٹھی پہننے سے منع فرمایا سوائے صاحب اقتدار کے۔ (مرقات) در مختار میں ہے صاحب اقتدار، قاضی اور وہ جس کو ضرورت ہے جیسے متولی وغیرہ۔ ان کے سوا دوسروں کے لئے انگوٹھی نہ پہننا ہی افضل ہے۔ (الدر المختار) 1 قوله: فيه فص حبشي (جس میں حبشی نگینہ تھا) انگوٹھی میں حلقہ کا اعتبار ہے۔ کیونکہ انگوٹھی کا دارومدار اسی پر ہے، اور نگینہ کا اعتبار نہیں، اسی لئے وہ نگینہ پتھر یا اس کے سوا کسی بھی چیز کا جائز ہے۔ کتاب ”السراج الوہاج“ میں اسی طرح مذکور ہے۔ (عالمگیریہ) اور صاحب درمختار نے کہا ہے کہ اعتبار حلقہ کا ہے کہ وہ چاندی کا ہو۔ نگینہ کا اعتبار نہیں ہے، نگینہ پتھر، عقیق، یاقوت وغیرہ کا جائز ہے۔ (الدرالمختار) 2 قوله: كان خاتم النبي صلى الله عليه وسلم في هذه الخ (نبی اکرم صلی اللہ علیہ وسلم کی انگوٹھی اس میں تھی) فتاویٰ کی کتابوں میں ہے مناسب یہ ہے کہ انگوٹھی کو بائیں ہاتھ کی چھوٹی انگلی میں پہنے، بجائے اس کے کہ وہ دوسری انگلیوں اور سیدھے ہاتھ میں پہنے، کیونکہ سیدھے ہاتھ میں پہننا رافضیت کی علامت ہے۔ لیکن جہاں تک جواز کا تعلق ہے سیدھے اور بائیں دونوں میں ثابت ہے اور ہر ایک کے لئے حدیث شریف آئی ہے، ذخیرہ میں اسی طرح ہے (عالمگیری)۔ اور صاحب مرقات نے کہا ہے کہ امام نووی نے بیان کیا: مرد کے لئے درمیانی انگلی اور اس سے متصل انگلی میں انگوٹھی پہننا مکروہ تنزیہی ہے، لیکن عورت کے لئے تمام انگلیوں میں انگوٹھی پہننا جائز ہے۔ 1 قولہ: مع كل جرس شيطان (ہر گھنٹی کے ساتھ ایک شیطان ہوتا ہے) یہ لفظ عام ہے۔ اس لئے اس میں بڑی اور چھوٹی دونوں قسم کی گھنٹیاں داخل ہیں۔ اور اس میں وہ سب گھنٹیاں داخل ہیں جو تانبہ، لوہے، سونے یا چاندی سے بنائی گئی ہوں۔ خلاصہ یہ ہے کہ ہر وہ زیور جس میں آواز ہو وہ گھنٹی کے حکم میں داخل ہے، عورتوں کو اس کا پہننا یا چھوٹی بچیوں کو پہنانا دونوں بھی جائز نہیں ہے۔ (بذل المجہود) 2 قولہ: لا تدخل الملائكة بيتا فيه جرس (فرشتے اس گھر میں داخل نہیں ہوتے جس میں گھنٹی ہو) مولانا محمد یحییٰ نے حضور ﷺ کے ارشاد ”اس گھر میں جس میں گھنٹی ہو“ سے متعلق اپنے شیخ کی تقریر کے حوالے سے لکھا ہے: یہ بتانا ضروری ہے کہ یہ کراہت اس صورت میں ہے جب کہ یہ اسی طرح بنائی گئی ہو۔ اب رہا وہ آواز اور گھنٹی بنائی گئی ہو تو وہ حرام نہیں ہے اگرچہ کبھی اس سے آواز بھی نکلتی ہو جیسا کہ عورتوں کے زیورات میں جب وہ زیادہ استعمال کرتی ہیں تو یہ چیز دیکھی جاتی ہے۔ (بذل المجہود)۔ 1 قوله: يلبس النعال التي ليس فيها شعر (ایسے نعلین جن پر بال نہیں تھے) ابو عمر نے کہا میں قبرستان کے سوا دوسرے مقام میں سبتی یعنی ایسے جوتے جن پر بال نہ ہوں پہننے میں کوئی اختلاف نہیں جانتا۔ اب رہا قبرستان میں تو صاحب عمدۃ القاری نے کہا: اس میں اختلاف ہے۔ اور ملا علی قاری رحمہ اللہ تعالیٰ نے کہا: میں کہتا ہوں کہ راجح یہ ہے کہ قبروں پر چلنا جوتوں کے ساتھ ہو یا بغیر جوتوں کے ممنوع ہے ممکن ہے آپ کا قبروں پر چلنا ثابت ہو پھر آپ نے جوتے اتارنے کا حکم دے کر اس سے جو منع فرمایا وہ اس بناء ہو کہ یہ ادب و تواضع کا مقام ہے غرور و تکبر کا مقام نہیں ہے اس لئے آپ نے تکبر کا علاج اس کی ضد سے کیا، اور ان کو ادب و تواضع کا حکم دیا جو ان پر گراں ہے اور یہ بوقت ضرورت جوتے پہننے کے جواز کے منافی نہیں ہے تا کہ حرج نہ ہو (انتهى)۔ اور فتاویٰ عالمگیری میں ہے لکڑی کے جوتے پہننا بدعت ہے۔ 1 قوله: نهى رسول الله صلى الله عليه وسلم (رسول اللہ صلی اللہ علیہ وسلم نے کھڑے رہ کر جوتے پہننے سے منع فرمایا) حضرت مظہر نے کہا یہ اس حالت میں ہے جس میں کھڑے رہ کر پہننے میں تھکان ہوتی ہو جیسے موزے اور وہ جوتے جن کے ڈوریاں باندھنے کی ضرورت ہو (مرقات) 2 قوله: فيضعهما بجنبه (اور ان کو اپنے بازو رکھے) سیدھے جانب کی عظمت کی بناء پر ان کو اپنی بائیں جانب رکھے۔ اور قبلہ کی تعظیم کی خاطر ان کو سامنے نہ رکھے اور ان کو اپنے پیچھے بھی نہ رکھے کہ اس میں چوری کا اندیشہ ہے۔ (مرقات) 1 قوله: ان النجاشى اهدى الى النبى صلى الله عليه وسلم خفين اسودين الخ (نجاشی نے دو سیاہ رنگ کے سادہ موزے نبی اکرم صلی اللہ علیہ وسلم کی خدمت میں ہدیۃً بھیجے) عالمگیری میں ہے ابوالقاسم الصفار سے مروی ہے کہ لال رنگ کا موزہ فرعون کا تھا اور سفید موزہ دھاقان کا اور سیاہ رنگ کا موزہ علماء کا موزہ ہے۔ اور میں نے بلخ کے بیس کبار فقہاء سے ملاقات کی، تو ان میں سے کسی کا بھی نہ تو سفید موزہ دیکھا اور نہ لال۔ اور نہ یہ سنا کہ کسی نے اس کو رکھا ہے۔ اور مروی ہے کہ حضور ﷺ نے سیاہ رنگ کے موزہ کو رکھا ہے۔ آپ کی خدمت میں دو سیاہ موزے ہدیۃً پیش کئے گئے تو آپ نے ان کو لے کر پہنا۔ (قنیہ)

ہمارے فقہاء نے کہا ہے کہ یہ بات معلوم ہونا ضروری ہے 1 کہ امام اعظم ابو حنیفہ رحمہ اللہ کے پاس ریشم جس کا تانا بھی اور بانا بھی ریشم کا ہو اس کا پہننا مرد لوگوں کے لئے تمام حالات میں ان احادیث شریفہ کی بناء پر حرام ہے۔ اور جن روایات میں جنگ میں اس کے پہننے کی اجازت آئی ہے وہ مخلوط ریشم پر محمول ہے اور خارش کی وجہ سے پہننے کی حدیث شریف اس حدیث شریف کی طرح ہے جس میں پیشاب سے علاج کا ذکر ہے۔