Hadith 4370

سیدنا ابو ہریرہ رضی اللہ تعالیٰ عنہ سے روایت ہے کہ رسول اللہ صلی اللہ علیہ وسلم کے صحابہ میں سے چند حضرات نے رسول اللہ صلی اللہ علیہ وسلم سے عرض کیا: مشروم زمین کی چیچک ہوتی ہے تو رسول اللہ صلی اللہ علیہ وسلم نے فرمایا: کماۃ (مشروم) ”من“ کی قسم میں سے ہے اور اس کا پانی آنکھ کے لئے شفاء ہے اور عجوہ کھجور جنت کا ہے اور وہ زہر کے لئے شفاء ہے۔ ابو ہریرہ رضی اللہ تعالیٰ عنہ نے کہا: تو میں تین یا پانچ یا سات مشروم لیا اور ان کو نچوڑا اور ان کا پانی ایک شیشی میں رکھ لیا اور کمزور بینائی والی میری ایک باندی کی آنکھوں میں لگایا تو وہ اچھی ہوگئی۔ (ترمذی) اور امام ترمذی نے حضرت سعید بن زید سے روایت کی ہے۔ اور اسی طرح امام احمد، امام نسائی اور امام ابن ماجہ نے ابو سعید رضی اللہ تعالیٰ عنہ و جابر رضی اللہ تعالیٰ عنہ سے روایت کی ہے۔ اور ابو نعیم نے کتاب الطب میں ابن عباس اور عائشہ رضی اللہ تعالیٰ عنہم سے روایت کی ہے۔