Hadith 5343

حضرت ابو ہریرہ رضی اللہ عنہ سے روایت ہے انہوں نے کہا: صحابہ کرام نے عرض کیا: یا رسول اللہ! کیا ہم قیامت کے دن 1؎ اپنے رب کو دیکھیں گے؟ آپ نے فرمایا: کیا تم لوگ دوپہر کے وقت سورج کو دیکھنے کے بارے میں شک کرتے ہو جو بادل میں نہیں ہو؟ تو انہوں نے کہا: نہیں آپ صلی اللہ علیہ وسلم نے فرمایا: کیا تم چودھویں کے چاند کو دیکھنے کے بارے میں شک و شبہ کرتے ہو جو بادل میں نہیں ہے؟ تو انہوں نے کہا: نہیں آپ نے فرمایا: قسم ہے اس ذات کی جس کے دست قدرت میں میری جان ہے! تم اپنے رب کے دیدار کے بارے میں شبہ نہیں 2؎ کرتے ہو گے جیسا کہ تم ان دونوں میں سے کسی ایک کے دیکھنے کے بارے میں شک کرتے ہو، آپ نے فرمایا: چنانچہ وہ بندے سے ملاقات فرمائے گا اور کہے گا: اے فلاں! کیا میں تجھ پر کرم نہیں کیا؟ کیا میں تجھ کو سرداری عطا نہیں کی؟ اور کیا میں نے تیری شادی نہیں کروائی؟ کیا میں نے تیرے لئے گھوڑوں اور اونٹوں کو تابع نہیں کیا؟ اور کیا میں نے تجھے اس حالت میں نہ چھوڑا کہ تو سرداری کرتا ہے اور دولت حاصل کرتا ہے؟ تو وہ عرض کرے گا: کیوں نہیں! آپ نے فرمایا پس وہ فرمائے گا کیا تو نے یہ سمجھا تھا کہ تو مجھ سے ملنے والا ہے؟ تو وہ کہے گا: نہیں تو وہ فرمائے گا بے شک میں تجھ کو بھولا ہوا چھوڑ دیتا ہوں جیسا کہ تو مجھے بھول گیا تھا پھر وہ دوسری مرتبہ ملاقات کرے گا پس وہ اسی طرح ذکر کرے گا، پھر وہ تیسری مرتبہ ملاقات کرے گا پس وہ اس سے ایسا ہی کہے گا تو وہ کہے گا: اے میرے رب! میں تجھ پر اور تیری کتاب پر اور تیرے رسولوں پر ایمان لایا اور میں نماز پڑھا روزہ رکھا اور صدقہ خیرات کیا اور وہ جتنا ہوسکے وہ اپنی تعریف کرے گا، تو اللہ تعالیٰ فرمائے گا تب تو تو یہیں ٹھہر کہا جائے گا! اب ہم تیرے خلاف ایک گواہ کو اٹھائیں گے تو وہ اپنے آپ میں غور و فکر کرے گا کون ہے وہ جو میرے خلاف گواہی دے گا تو اسکے منہ پر مہر لگا دی جائے گی اور اسکی ران سے کہا جائے گا تو بول اسکی ران اور اسکا گوشت اور اسکے ہڈیاں اس کے عمل کے بارے میں بولیں گے اور وہ اسلئے ہے تاکہ اس کے عذر کو ختم کر دیا جائے اور وہ منافق ہوگا اور یہ وہ ہوگا جس سے اللہ تعالیٰ ناراض ہے۔ (مسلم)۔