Hadith 1756

سعید بن جبیر رضی اللہ عنہ سے روایت ہے آپ فرماتے ہیں کہ ابن عمر رضی اللہ عنہما کی یہ عادت تھی کہ آپ نفل نماز سواری پر ادا فرماتے تھے، جب وتر ادا کرنا چاہتے تو سواری سے اتر کر زمین پر پڑھا کرتے تھے (اس حدیث سے معلوم ہوا کہ سفر میں نفل نماز پڑھنا ثابت ہے اور یہ بھی معلوم ہوا کہ وتر واجب ہے مثل فرض کے وتر کو بھی زمین پر ادا کرنا ضروری ہے، اگر وتر سنت ہوتی تو وتر کو بھی نوافل کی طرح سواری پر ادا کیا جاتا)۔ (اس کی روایت دارقطنی اور امام احمد نے کی ہے۔)