اردو
ابن عباس رضی اللہ تعالیٰ عنہما سے روایت ہے انہوں نے فرمایا کہ جس نے اللہ کی
کتاب کی تعلیم پائی پھر اس کے احکام کی تعمیل کی تو اللہ تعالیٰ دنیا میں اس کو گمراہی سے بچائیں گے اور
قیامت میں اس کو بُرے حساب سے محفوظ رکھیں گے۔
اور ایک دوسری روایت میں (ایسا بھی) آیا ہے کہ جس نے اللہ کی کتاب کی پیروی کی
تو وہ دنیا میں گمراہ نہ ہوگا اور آخرت میں بدنصیب نہ ہوگا پھر آپ نے (سورہ طہ، آیت نمبر: 123، پ:
16، ع: 7 کی) یہ آیت تلاوت فرمائی: ﴿فَمَنِ اتَّبَعَ هُدَايَ فَلَا يَضِلُّ وَلَا يَشْقَىٰ﴾۔
(ترجمہ: تم میں جو کوئی میری اس ہدایت یعنی قرآن اور سنت کا اتباع کرے تو وہ نہ دنیا میں گمراہ
ہوگا اور نہ آخرت میں بدنصیب۔ (اس کی روایت رزین نے کی ہے۔)