Hadith 1826

جابر بن سمرہ رضی اللہ عنہ سے روایت ہے، آپ فرماتے ہیں کہ رسول اللہ صلی اللہ علیہ وآلہ وسلم (جمعہ اور عیدین میں) دو، دو خطبے دیا کرتے تھے۔ حضور صلی اللہ علیہ وآلہ وسلم کی عادت مبارک تھی کہ آپ دو خطبوں کے درمیان (تین بار سبحان اللہ کہنے کی مقدار) بیٹھا کرتے تھے (اور ان دونوں خطبوں کے درمیان حضور دعا نہیں فرماتے تھے) دونوں خطبوں میں کچھ قرآن پڑھتے تھے اور خطبوں میں حضور لوگوں کو ایسی نصیحت فرماتے تھے (جس سے ترغیب و ترہیب ظاہر ہوتی اور خوف اور امید پیدا ہوتی تھی) اور حضور کی نماز بھی متوسط ہوتی تھی اور خطبہ بھی متوسط ہوتا تھا۔ (نہ زیادہ طویل نہ بہت مختصر)۔ (اس حدیث کی روایت مسلم نے کی ہے۔)