اردو
Urdu OCR, pending reviewNoor 2367
ابوہریرہ رضی اللہ عنہ سے روایت ہے، آپ فرماتے ہیں کہ رسول اللہ صلی اللہ
علیہ وآلہ وسلم ارشاد فرمائے ہیں: شہید پانچ قسم کے ہیں: (1) طاعون سے مرنے والا (2) پیٹ کی
بیماری (جیسے پیچش، اسہال، استسقاء اور درد شکم) سے مرنے والا (3) پانی میں ڈوب کر مرنے والا
(اس کی دو قسمیں ہیں۔ ایک تو وہ شخص ہے جو قصداً خودکشی کے لئے پانی میں گر کر اپنے کو مارتا ہے
ایسا شخص شہید نہیں ہے بلکہ اس کو ناجائز موت سے مرنے کی وجہ عذاب ہوگا، پانی میں ڈوب کر مرنے
والے کی دوسری قسم یہ ہے کہ پانی میں گر کر مرنا نہیں چاہتا تھا بلکہ اتفاق سے پانی میں گرا اور مر گیا)
(4) دیوار یا چھت کے گرنے سے (ان کے نیچے دب کر) مرنے والا (5) (جہاد ہو رہا ہو، اعلاء کلمۃ
اللہ کے لئے) خدا کے راستہ میں (کافروں سے) مارا جانے والا (یہ اصلی شہید ہے، ایسا ہی وہ شخص
بھی شہید ہے جس کو ناحق ظلم سے اگر کسی نے مار دیا ہے۔)
اس حدیث کی روایت بخاری اور مسلم نے متفقہ طور پر کی ہے۔
Possible references (unverified, pending editorial review)
- Candidate: Sahih al-Bukhari 2829 (unverified) 99% confidence
- Candidate: Sahih Muslim 1914a (unverified) 95% confidence
Confidence and text similarity are not editorial verification.