Hadith 2260

ان پر ایک سال گزر جائے تو) ایسی گائیوں میں ہر تیس گائیوں پر (زکات میں) تبیع یعنی ایک سالہ بچھڑا (مادہ ہو یا نر) لیا جائے گا اور گائیوں کی تعداد چالیس ہو جائے تو مُسِنّہ یعنی دو سالہ گائے یا بیل (زکات میں) لی جائے گی اور ایسے جانور جن سے (کھیتی وغیرہ میں) کام لیا جاتا ہو (اگرچہ کہ وہ نصاب کو پہنچ جائیں تو) ان پر زکات نہیں ہے اور درمختار میں لکھا ہے کہ امام ابوحنیفہ رحمہ اللہ سے روایت ہے کہ اگر کسی کے پاس چالیس سے زائد گائے، بیل ہوں تو چالیس سے لے کر ساٹھ تک زکات معاف ہے اور جب گائے، بیل ساٹھ ہو جائیں تو ان پر دو تبیعہ (زکات میں) لئے جائیں گے اور صاحبین کا بھی یہی قول ہے اور بقیہ تینوں ائمہ یعنی امام شافعی، امام مالک اور امام احمد بن حنبل بھی اسی کے قائل ہیں اور اسی پر فتویٰ ہے۔ یہ ینابیع اور تصحیح القدوری کے حوالے سے بحر سے منقول ہے اور محیط میں مذکور ہے کہ امام ابوحنیفہ رحمہ اللہ سے اس بارے میں جو روایات منقول ہیں ان میں اوفق یہی روایت ہے، یہاں اوفق سے مراد یہ ہے کہ ائمہ ثلاثہ اور اکثر فقہاء اسی روایت پر متفق ہیں اور جوامع الفقہ میں لکھا ہے کہ یہی قول مختار ہے اس کو علامہ عینی نے بنایہ میں بیان کیا ہے اور عمدۃ الرعایہ میں مذکور ہے کہ امام ابوحنیفہ رحمہ اللہ سے روایت ہے کہ چالیس سے زیادہ گائے، بیل پر زکات نہیں ہے یہاں تک کہ 60 ہو جائیں، البتہ یہ 60 ہو جائیں تو ان پر زکات واجب ہے، اور صاحبین کا بھی یہی قول ہے اور اسی پر فتویٰ ہے جیسا کہ نہر، بحر اور درمختار وغیرہ میں مذکور ہے۔12