Hadith 2427

عبداللہ بن عمرو رضی اللہ عنہما سے روایت ہے کہ رسول اللہ صلی اللہ علیہ وآلہ وسلم ارشاد فرماتے ہیں کہ (ماہ رمضان کا) روزہ اور قرآن (کی تلاوت) یہ دونوں (روزہ دار) بندہ کی شفاعت کریں گے، روزہ کہے گا: اے پروردگار! میں اس کو دن میں کھانے پینے اور خواہشات کی تکمیل سے روک رکھا تھا۔ پس اس (روزہ دار) کے حق میں میری شفاعت قبول فرما (اور اس کے گناہوں کو بخش دے) اور قرآن کہے گا: اے پروردگار! میں نے اس (قرآن پڑھنے والے) کو رات کی نیند سے روک رکھا تھا (کہ تراویح اور تہجد میں قرآن پڑھا کرتا تھا) پس اس کے حق میں میری شفاعت قبول کر (اور اس کو جنت میں بلند درجات عطا فرما) پس دونوں کی شفاعت قبول کی جائے گی۔ اس کی روایت بیہقی نے شعب الایمان میں کی ہے۔