Hadith 4696

1 قوله: أَكْرَمُهُمْ عِنْدَ اللّٰهِ أَتْقَاهُمْ الخ (اللہ کے نزدیک ان میں سب سے زیادہ مکرم ان میں کا سب سے زیادہ متقی ہے) جب صحابہ کرام رضی اللہ عنہم نے سوال مطلق رکھا، تو رسول اللہ ﷺ نے جواب کو فرد کامل اور خوب سے خوب تر وصف کی طرف جو پھیر دیا، یہی مناسب تھا چنانچہ فرمایا: ”اللہ کے نزدیک اُن میں سب سے زیادہ شریف اُن میں کا سب سے زیادہ متقی ہے“، پھر جب آنحضرت ﷺ کے سامنے یہ بات آئی کہ وہ لوگ آپ ﷺ سے مطلق بزرگی و شرافت کے بارے میں دریافت نہیں کرتے ہیں تو آپ نے اس خیال سے کہ ان کی مراد حسب و نسب کی بزرگی کو جمع کرنا ہے فرمایا: لوگوں میں سب سے زیادہ با کرامت یوسف علیہ السلام ہیں۔ جو اللہ تعالیٰ کے نبی ہیں۔ اور آپ کا ارشاد ”بشرطیکہ وہ دین کی سمجھ حاصل کریں“ اس میں فقہ (دین کی سمجھ) سے مراد وہ علم ہے جو عمل سے ملا ہوا ہو۔ اور ”شرح السنہ“ میں ہے: آپ ﷺ کا منشا یہ ہے کہ جس کے پاس کوئی خوبی یا شرافت و منزلت ہو، اگر وہ مشرف بہ اسلام ہوجائے اور علم حاصل کرے تو یقیناً وہ جس قدر دین کے حق سے استفادہ کیا ہے اس کے ساتھ اس شرافت کا بھی حامل رہے گا۔ اور جو شخص مشرف بہ اسلام نہ ہوگا تو یقیناً وہ اپنی شرافت کو برباد کردیا اور اپنے نسب کو ضائع کردیا۔ (مرقات)۔ 1 قوله: انسابكم هذه ليست بمسبة الخ (تمہارے یہ نسب کسی کو برا کہنے کا سبب نہیں ہیں) یعنی باہمی فضیلت نسب کی وجہ سے نہیں ہے بلکہ تقویٰ کی بنیاد پر ہے۔ (مرقات)۔ 2 قوله: الحسب المال الخ (حسب مال ہے) حسب کی شرح کرنے والے نے کہا: ”حسب“ وہ ہے کہ جس کو کوئی شخص اپنے باپ دادا کے قابل فخر کارنامے شمار کرتا ہے اور ”کرم“ (شرافت و بزرگی) ملامت کی ضد ہے۔ چنانچہ کہا گیا: اس کے معنی یہ ہیں کہ جس چیز کے ذریعہ آدمی لوگوں کے نزدیک بڑے رتبہ والا بنتا ہے، وہ مال ہے۔ اور جس چیز کے ذریعہ اللہ تعالیٰ کے نزدیک بڑے رتبہ والا بنتا ہے، وہ تقویٰ ہے۔ اور باپ دادا پر ناز کرنا ان دونوں میں سے کسی میں بھی نہیں ہے۔ (مرقات)۔ 1 قوله: انا ابن عبدالمطلب (میں عبدالمطلب کا فرزند ہوں) علامہ کرمانی فرماتے ہیں: اگر تم یہ کہو کہ آں حضرت ﷺ نے ایسی بات کیسے فرمائی جبکہ آپ نے آباء و اجداد پر فخر کرنے سے منع فرمایا ہے؟ تو میں کہوں گا: اس کا مطلب یہ ہے کہ اس میں اشارہ ہے اس خواب کی طرف جس کو حضرت عبدالمطلب نے دیکھا اور قریش سے بیان کیا تھا، اور اس کی تعبیر یہ دی گئی تھی کہ ”جبلوں کو ایک لڑکا توڑے گا“ جو لوگوں کا سردار ہوگا، اور جس کے دشمن اس کے ہاتھوں سے ہلاک ہوں گے، اور یہ بات ان میں مشہور تھی، پس رسول اللہ ﷺ نے اس (ارشاد) سے اس خواب کے واقع کی یاد دہانی فرمائی تاکہ اس سے آپ کے ان صحابہ کی قوت تازہ دم ہو جائے جو پست ہمت ہوگئے تھے پھر وہ اس بھروسے کے ساتھ واپس آ جائیں کہ آخرکار فتح آپ کے لئے ہونے والی ہے۔ اور دوسری وجہ یہ ہوسکتی ہے کہ فخر کرنے سے منع کیا گیا ہے وہ کفار سے جہاد کے علاوہ دوسرے مواقع میں ہے، اور رسول اللہ ﷺ نے جنگ کے موقع پر بڑائی جتانے کی اجازت عطا فرمائی ہے، جبکہ اس جنگ کے علاوہ دوسرے موقع پر اس سے آپ ﷺ کا منع کرنا ثابت ہے۔ اھ اور ملا علی قاری رحمة اللہ علیہ نے مرقات میں کہا: اور جواب کا خلاصہ یہ ہے کہ مفاخرت (آپس میں فخر کرنا) کی دو قسمیں ہیں: