Hadith 5152

سیدنا ابوہریرہ رضی اللہ تعالیٰ عنہ سے روایت ہے آپ نے فرمایا: ”وَأَنْذِرْ عَشِيرَتَكَ الْأَقْرَبِينَ“ (26- سورۃ الشعراء، آیت نمبر: 214) ترجمہ: اور آپ اپنے قریبی رشتہ داروں کو آگاہ کیجئے) نازل ہوئی نبی کریم ﷺ نے قریش کو بلایا تو وہ جمع ہو گئے، آپ نے عام و خاص کو بلایا اور فرمایا: اے بنی کعب بن لؤی! اپنے آپ کو آگ سے بچاؤ! اے بنی مرہ بن کعب! اپنے نفسوں کو آگ سے بچاؤ! اے بنی عبدشمس! اپنے آپ کو آگ سے بچاؤ! اے بنی عبدمناف! اپنے آپ کو آگ سے بچالو! اے بنی ہاشم! اپنے نفسوں کو آگ سے بچالو! اے بنی عبدالمطلب! اپنے آپ کو آگ سے بچاؤ! اے فاطمہ! اپنے آپ کو آگ سے بچالو؛ کیونکہ میں تمہارے لئے اللہ کے مقابلہ میں کسی چیز کا مالک 1 نہیں ہوں سوائے اس کے کہ تمہارے لئے حق قرابت ہے جسکو میں اسکے تری کے ساتھ تر رکھوں گا۔ (مسلم)۔ اور بخاری و مسلم کی روایت میں ہے، آپ ﷺ نے ارشاد فرمایا: اے جماعت قریش! اپنی جانوں کو خرید لو! میں تم سے اللہ کے مقابلہ میں تمہارے کچھ کام نہیں آؤں گا، اے بنی عبد مناف! میں تم سے اللہ کے مقابلہ میں تمہارے کچھ بھی کام نہیں آؤں گا اے عباس بن عبد المطلب! میں تم سے اللہ کے مقابلہ میں تمہارے کچھ بھی کام نہیں آؤں گا، اے رسول اللہ کی پھوپھی صفیہ! میں اللہ کے مقابلہ میں تمہارے کچھ بھی کام نہیں آؤں گا اے فاطمہ بنت محمد! تم میرے مال میں سے جو چاہے مانگ لو! میں اللہ کے مقابلہ میں تمہارے کچھ بھی کام نہیں آؤں گا۔ (متفق علیہ)۔