Hadith 3644

سیدنا ابوہریرہ رضی اللہ تعالیٰ عنہ سے روایت ہے کہ میں نے حضرت رسول اللہ صلی اللہ علیہ وآلہ وسلم کو فرماتے ہوئے سنا ہے کہ جو آدمی اطاعت سے نکل جائے اور جماعت سے الگ ہو جائے اور انتقال کر جائے تو جاہلیت کی موت مرے گا۔ اور جو آدمی کسی اندھے جھنڈے کے تحت (یعنی جس کا حق ہونا ظاہر نہ ہو) لڑے عصبیت کے لئے غصہ ہوتے ہوئے یا عصبیت کے لئے بلاتے ہوئے یا عصبیت کی بناء پر مدد کرتے ہوئے اور وہ مارا جائے تو یہ جاہلیت کے مارے جانے کی طرح ہے۔ جو آدمی میری امت کے خلاف ایک تلوار لے کر اس کے اچھے اور برے لوگوں کو مارے اور اس میں سے مومن کی پرواہ نہ کرے اور کسی عہد والے کے عہد کو پورا نہ کرے تو وہ مجھ سے نہیں ہے اور میں اس سے نہیں ہوں۔ (مسلم)